әскери техниканы модернизациялау

(Модернизация военной техники; франц. moderne – жаңа, қазіргі уақыттағы)

әскери техниканың ескірген үлгілерінің сипаттамаларын едәуір жақсарту және пайдалану тиімділігін арттыру мақсатында конструкциясын, материалы мен әзірлеу технологиясын өзгерту арқылы жаңарту. Ә.т.м. кезінде оның жекелеген бөліктері: тораптары, аспаптары, құрылғылары, жүйелері және т.б. өзгертіледі. Әскери техниканың ірі және күрделі үлгілерінің (түрлерінің) осындай бөліктері қару-жарақ пен техникалық құралдардың тұтас кешендері болуы мүмкін (мыс., сүңгуір қайықтағы стратегиялық ракеталық қару кешені). Қандай жағдайда болмасын, Ә.т.м. нәтижесінде үлгінің құрылысы мен даярлау технологиясы көп өзгертілмеуі, оны пайдалану едәуір қиындатылмауы және қызмет көрсетілетін жеке құрамның саны көбейтілмеуі тиіс. Ә.т.м. кезінде көбінесе күшін, беріктігін, пайдалану мерзімін, әлсіз буындардың төзімділігін, конструкциялардың мықтылығын арттырады, пайдаланудағы зиянды және әйгілегіш сипаттамаларды азайтады, басқаруды автоматтандыратын, пайдалану қауіп-сіздігін, зақымдардан қорғауды жеңілдететін жаңа жүйелер мен құрылғылар қосылады. Ә.т.м., әдетте, ескірген әске-ри техниканы қазіргі заман талаптарының деңгейіне жеткізу қажеттілігінен туындайды.